Arriva la primavera con i suoi fiori.
Versatemi subito una tazza di vino dolce (Alceo,  (621 a.C.- 560 d.C)
…ma il Sole che oggi ci scintilla intorno non è quello che ha ricoperto nei millenni il suo ruolo imperiale.
La sua affascinante simbologia  è come scivolata nel tempo in una espressione  semplice, terrena e tenera, s’incarna in una rosa e respira in un Maggio: millenni di colonne   sonore e di messaggi d’amore.Siamo  immersi in una festa semplice che potremmo definire “festa delle rose, o festa di Maggio, ma che nel nostro Sud è nota nei secoli come “Pasca rusata”: una Pasqua “rosata dal Sole, naturalmente, dai petali di rose …..
Le nostre bisnonne ne ornavano le case di petali coltivate negli orti o nelle piante, perché le ragazze di casa se ne rinfrescassero il viso e ne attingessero amore e fortuna: un uso antico via via perduto  e che, con orgoglio e gioia, vogliamo citare in occasione di questa Pasqua, in omaggio di chi, ancora, serba la devozione e la dedizione all’incantevole usanza ultracentenaria della Pasqua rosata.
Chiamiamo a testimoni due poesie e invitiamo i nostri lettori e deliziarsi alla loro incantevole, tenera dolcezza:

“PASCA RUSATA”

Sta venenno l’està !
Può arapì nu barcone, na fenesta,
ca ’o viento nun t’ ’e nzerra…
Nu cchiù mare ntempesta,
nuvole chiene d’acqua, viento ’e terra…
Sta venenno l’està !
Mo t’affacce e risciate, finalmente,
n’aria cchiù doce
ca fa cchiù allera ’a gente,
ca fa cchiù allere ’e vvoce
d’ ’e venneture e mette int’ ’e pparole
d’ammore cchiù curaggio;
ca fa parè Pusilleco
cchiù verde già, cu ’e ttavulelle pronte…
E che sole… che sole…
(Passa nu « quatto ’e maggio »
pe’ nu casino a Sant’Antonio ’o Monte…)
Sta venenno l’està !

’E vestite già pesano… ’E llenzole
già nfòcano… Nun è cchiù fredda, ’nfaccia,
l’acqua, ’a marina: mo a calore ’e sole,
scorre… e se fa cchiù fresca… e sguazzarià
— cu ’a scumma d’ ’o ssapone —
te può, bellezza mia!… Già veco ’e braccia
— nun appanna ’o balcone… —
veco sta mana chiattulella e nfosa
fermà cu duie fernette
sta trezza ancora nfosa,
nera e lucente comm’a nu gravone…
Benedetta l’està !

Ca si tu me perduone
e si m’aspiette,
facimmo tale e quale
comm’a Pasca passata…
(Pasca rusata !…)

Te porto tanta rose, e tutte ’e ffronne
tu dint’a st’acqua n’ata vota sfrunne,
e te ce nfunne…

E sbracciata, addurosa, spettenata,
sta vocca ca me sfuie, ca s’annasconne,
tu te farrai vasà
comm’a Pasca passata !…
(Pasca rusata !…)
Benedetta l’està !…
Ernesto Murolo ediz. Bideri,1969          

“’E SCIUCQUAGLIE”

Chella ca se sciglieva a primmavera
‘e ccerase cugliute a ddoje a ddoje,
pecchè sultanto chelle erano ‘e ssoje
e ‘a facevano sta’ cuntenta e allera:
chella ca mme parette ‘a chiù sincera,
e mme vasava e nun cercava gioje
-ma s’ ’e ffaceva cu ‘e ccerase soje-
mo nun ‘o ssaccio anduvinà chi era.
se faceva  sciucquaglie e sciucquaglielle
cu ‘e ccerase sciugliute alleramente:
‘e chiù grosse, ‘e mmezzane, ‘e ppiccerelle.
E i’ mme ricordo, quanno abbrile trase,
dduje uocchie belle, chiare e stralucente,
e dduje sciucquaglie fatte cu ‘e ccerase.
Chi era? Era ‘a cchiù bella, ‘a cchiù gentile,
cu na faccella doce ‘e na madonna
ca, si fa ‘o pizzo a riso, ‘o core aonna:
pecchesto m’ ‘a ricordo dint’ Abbrile.
E mm’ ‘a ricordo dinto a nu curtile
addò  ll’arbere viecchie Abbrile ‘e nfronna,
e pe’ Pasca rusata, ancora, ‘a nonna
mette ‘e rrose sfrunnate int’ ‘o vacile:
mette ‘e rrose sfrunnate pe’ fa’ ‘a faccia
chiù fresca e prufumata sott’ ‘e vase
quanno ‘o sposo alla fine se ll’abbraccia…
Core, nun fuje na nnammurata mia:
nun cercà ‘o nomme; chella d’ ‘e ccerase,
no, femmena nun è, chella è ‘a Poesia.
E.A. Mario 1928

©Riproduzione riservata